മുറിവുകള്
സൂര്യ കൃഷ്ണമൂര്ത്തി
ഓര്മ്മ
സൂര്യ കൃഷ്ണമൂര്ത്തിയുടെ 'മുറിവുകള്' എന്ന രചനയെക്കുറിച്ച് എനിക്കുപറയാന് ഇത്രമാത്രം. ഞാന് പത്തറുപത് കൊല്ലത്തിലേറെക്കാലം പ്രസംഗിച്ചതും വിമര്ശിച്ചതുമെല്ലാം നിസ്സാരമായെന്നു തോന്നിപ്പിക്കുന്ന ഈ കൃതി വായിക്കേണ്ടിയിരുന്നില്ല. പക്ഷേ, ഇതു വായിച്ചില്ലായിരുന്നെങ്കില് ജീവിതത്തിലെ ശ്രേഷ്ഠമായ ഒരനുഭവം നഷ്ടമായേനെ!
സുകുമാര് അഴീക്കോട്
അനുഭവബീജങ്ങള് പൊട്ടിക്കിളിര്ത്ത് ഈരില വിരിഞ്ഞുനില്ക്കുന്നതിന്റെ ഭംഗിയുള്ള ഈ കുറുങ്കഥകള് കേള്ക്കുമ്പോള്, 'ഈ മുറിവുകള് എന്റേതും...' എന്ന് മനസ്സ് മന്ത്രിക്കുന്നു.
ഒ.എന്.വി.
കല തന്നെ ജീവിതമെന്ന് വിശ്വസിക്കുന്ന ഒരാളുടെ നീണ്ട ജീവിതയാത്രകള്ക്കിടയില് മനസ്സിലേറ്റ മുറിവുകള് രേഖപ്പെടുത്തുകയാണ് ഈ ഗ്രന്ഥത്തില് കൃഷ്ണമൂര്ത്തി ചെയ്യുന്നത്. കാലത്തിന് ഉണക്കാനാവാതെപോയ പല മുറിവുകളിലും ഇപ്പോഴും ചോര പൊടിയുന്നുണ്ട്. വായിക്കുമ്പോള് അത് നമുക്ക് മനസ്സിലാവുന്നു.
എം.ടി.വാസുദേവന്നായര്
കൃഷ്ണമൂര്ത്തി തന്റെ പേനകൊണ്ട് ഗന്ധങ്ങളും സ്മൃതികളും സ്വപ്നങ്ങളുടെ ഉടഞ്ഞ ചില്ലുകളും കയ്പും മധുരവും കലര്ന്നുലഞ്ഞു ചിതറിക്കിടക്കുന്ന കുറെ നിമിഷങ്ങളുടെ ചിത്രങ്ങള് വരച്ചുകാട്ടുകയാണ് ഈ കൃതിയിലൂടെ.
സുഗതകുമാരി
ഹൃദയത്തിന്റെ അടിത്തട്ടുകളെ ഉലയ്ക്കുന്ന ഓര്മ്മകളുടെ അടിയൊഴുക്കുകള്കൊണ്ട് പ്രക്ഷുബ്ധമായ അനുഭവങ്ങളിലൂടെ ഒരാത്മസഞ്ചാരം നടത്തിയതുപോലെയാണ് സൂര്യ കൃഷ്ണമൂര്ത്തിയുടെ 'മുറിവുകള്'.
പെരുമ്പടവം
75 രൂപ |
